FilFan
أشاد الإعلامي عمرو أديب بالإنجاز الذي حققه نجم كرة القدم المصري محمد صلاح، وحصوله على لقب الهداف التاريخي لناديه الإنجليزي ليفربول.
وقال عمرو أديب خلال تقديم برنامجه "الحكاية" المذاع عبر قناة MBC مصر: "شوف الراجل اللي بيشتغل بقاله سنين، النهاردة عندك نموذج تفرجه للناس، وإوعى تقول بياخد كام، لإنه لما ابتدى كان بياخد كام".
وأضاف: "ارجع للمقاولين واسأل مين محمد صلاح العيل اللي جسمه قليل، النهاردة دخل التاريخ من أوسع أبوابه، ولن يلحق أحد بالفرعون والملك المصري فخر مصر والعرب محمد صلاح".
وتابع: "أنا قابلت محمد صلاح كتير، هي دي الناس اللي عايزة توصل وتتعب، وتراعي ربنا في لقمة عيشها، وتستحمل الضغط ومسؤولية نادي وجمهور".
وحقق محمد صلاح اليوم واحدا من أكبر الأرقام القياسية في تاريخ النادي الإنجليزي العريق، وأصبح الهداف التاريخي للنادي في الدوري الإنجليزي الممتاز، بعد أن وصل للهدف رقم 129، معادلا أسطورة النادي روبي فاولر في عدد أقل من المباريات.
وحقق ليفربول انتصارا ساحقا على الغريم مانشستر يونايتد بسبعة أهداف دون رد، ضمن منافسات الأسبوع السادس والعشرين من الدوري الإنجليزي الممتاز.