بعد تغريدة النائبة رولا الطبش التي خاطبت فيها الرئيس ميشال عون بالقول: “لو كنتْ بيّي، كنتْ ترجّيتَكْ ترتاح.. كرمالَكْ، وكرمال اللي بحبّوك”.
رد النائب سليم عون على الطبش في تغريدة عبر حسابه على تويتر بالقول: “يا رولا.. مش لابقلك هالحكي، قولي ليللي كاتبلك التغريدة، مش ممكن فخامة الرئيس يكون عندو أولاد من هالبضاعة البلا أخلاق والبلا أصل. يا ريتكن ترجّيتوه يرتاح قبل ما خلّص يللي بتحبوه من جلّاديه، كنا إرتحنا منكن يا بلا وفاء”.
وردت الطبش على عون بتغريدة قالت فيها: “يا سليم.. قول لَ يللي قلّك ترد عليي، انو مضيّع بالعنوان، لأنو نحنا منوزّع اخلاق ووفا، ولو ما كنّا هيك، ما كنتوا انقرصتوا من كلامي. وَيَا ريت بدل هالوقت اللي صرفتو للرد، تروح تشوف شو بدك تعمل، لانو اللي انتو بتحبوه، آخد البلد عا جهنم.
ورد النائب جورج عطالله عبر “تويتر” على الطبش فقال: “كنت مفتكر إنو شخصية لولو وشخصية طبوش هيي مجرد شخصيات شفناها نحنا وزغار، بس وقت شفت تعليق نايبة المستقبل رولا على كلام فخامة الرئيس، إكتشفت إنو شخصية طبوش حقيقية، واكتشفت انو الطبوش طبوش لو شو ما حكي”.